(( الحلم )) _ حامد زيد ..

بوقت من البطا وبليل تتراقص شياطينه
بعد شفت الضيا ينزع من ثياب المسا ثلثين
تحايلت المنام اللي مثل بيتك تمرينه
وأنا اللي من تفارقنا وأنا ماغمضتلي عين
غريبه!!..كل حلم يمر برقادي تزورينه
والأغرب كيف أحلم الحلم وأرجع أحلمه بعدين؟!
قبل يومين شفتك باالمنام وقمت من حينه
ونمت امس ورجع نفس المنام اللي قبل يومين
أنا اللي قبل أسافر شلت قلبي من شراينه
تركته في يدك مثل الأمانه واحفظيها زين
ترى(حفظ الامانه دين)..مجبورة تردينه
أجل مافي أحد قد قالك:حفظ الامانه دين؟!
مرد المقفي بيقفي..ويستوفي وتوفينه
بعد ليله،ثلاثة،أربعة،شهر،شهرين
إذا إنتي ماأنتي بقد الكلام اللي تقولينه
حرام أستأمنك حاجه وإذا جيت أطلبك تنسين
تخونين وتبين أرضى!..وأحد يرضى تخونينه
أنا لاجيت أخونك مع حبيبه ثانية،ترضين؟؟
من أول مارجعت من السفر ماشفتلك بينه؟!
وانا اللي كنت أحسبك قبل أدوس أرض المطار..تجين
تكونين إنتي أول شخص عيني تحتضن عينه
وكنت أتخيلك من زود فرحة رجعتي تبكين..
واشوف بدمعتك حكيك واعرفه قبل تحكينه
واجيب احلى من اللي بتحكينه واتركك تحكين
تقولين:الوطن نور..واقول:بنور مضوينه
تقوليلي:غديت احلى ..واقول:عيونك الحلوين
كلام نام بشفاهك..وخفتي لا تصحينه
ذخرتيه لغرام اللي ينام..ويتركك تصحين
تغانمتي غيابي..لين رجحتي موازينه
تعلم من يدك لمس الكفوف..وعلمك تجفين
وليتك لاقيه به شي فيني ماتلاقينه
مهو بغرور..لكن خابرك مالك أمل تلقين
تغافلك بغلا..ولا حلا ماهوب من زينه
تزينه الصور..بس الصحيح إبن الحلال زوين
وانا ماني بناقص عنه يوم انك تبدينه
نصيبي..هو نصيبي لو يسددها من الصوبين
قنوع بمظهري..والسم مايقتل ثعابينه
على قول المثل(ماني حلو..لكن ماني شين)
إذا اهداك الزهر مره..فانا اهديتك بساتينه
واذا الهاك بفرح ليله،فانا تهت لبكاك سنين
واذا استضعفتك املاكه...وشتتك ملاينه
انا حتى فتات الخبزة اقسمها معك نصفين
طموحي ..بس اجي واظفر بشي تستحقينه
تدينته،تسلفته،سرقته،مومهم منين
كأني من كثر ماارضى بكل اللي تمنينه
لوانك تطلبين الله يعنيني ..بقول:آمين
(أنا ملعب على الحبلين)..وقت الطيش وسنينه
تبين الحين يوم اني كبرت..(ألعب على الحبلين)
ترى عند البدو باالذات عيب اللي تسوينه
حلاتك لاعشقتي..تعشقيني ليوم الدين
غرام نسكن ضلوعه...حشيمه من مجانينه
جفا يجمع معزتنا..ولاعشق يذل اثنين
كثار اللي تحدوني وقالولي:تحبينه
أمانه..لاتخليني صغير بعيونهم تكفين
لأني كل ماقالو Sad

تخون)..أقول:مسكينه
عليك الله وامانه علميهم من هو المسكين
أنا خايف(ليا طاح الجمل تكثر سكاكينه)
وانا ماعدت ضلوعي تحمل طعنه السكين
مثل ماقالو:المكتوب واضح من عناوينه
لو ارحل منك للغربه..بسافر من ظلامك وين؟!؟
كفايه...كل حلم برقادي تزورينه
كفايه...من تفارقنا..وانا ماغمضتلي عين
قبل يومين شفتك باالمنام وقمت منحينه
ونمت امس ورجع نفس المنام اللي قبل يومين

Admin عدد الرسائل : 68 تاريخ التسجيل : 02/07/2007

مشكوووووووووووووورة

تسلمين للمرور